Bazuar në të dhënat e Barometrit për vitin 2024, Bashkia Durrës paraqet një përfaqësim pothuajse të balancuar gjinor në administratë, me 49% gra dhe 51% burra, ndërsa në pozicionet drejtuese dhe në administrimin e njësive administrative vërehet ende dominim mashkullor. Janë ndërmarrë masa për buxhetimin gjinor, mbështetjen e familjeve në nevojë dhe ofrimin e shërbimeve sociale për gratë, përfshirë gratë kryefamiljare dhe viktimat e dhunës, ku 70 gra kanë përfituar shërbime kujdesi shoqëror. Megjithatë, mbeten sfida si mungesa e strehëzave sociale, fondet e pamjaftueshme për bujqësinë dhe zhvillimin rural, si dhe nevoja për rritjen e përfaqësimit gjinor mbi 30% në disa nivele vendimmarrëse .